O‘zbekiston va Avstriya diplomatik kadrlar tayyorlash sohasida hamkorlik qiladi

Unda Vena akademiyasi va O‘zbekistondagi Jahon iqtisodiyoti va diplomatiya universiteti o‘rtasidagi o‘zaro hamkorlik yo‘nalishlari muhokama qilindi.

Muloqot chog‘ida Jahon iqtisodiyoti va diplomatiya universiteti dars jarayonlariga Vena diplomatiya akademiyasi xodimlarini jalb qilish, universitet o‘qituvchi-professorlari malakasini oshirish uchun xorijiy ekspertlar ishtirokida mahorat darslarini tashkil qilish ko‘rib chiqildi.

Emil Briks o‘zaro tajriba almashish maqsadida Jahon iqtisodiyoti va diplomatiya universiteti vakillarining VDAga tanishuv tashrifini amalga oshirishni taklif qildi. O‘zaro talabalar almashuvi dasturlarini yo‘lga qo‘yish orqali Jahon iqtisodiyoti va diplomatiya universiteti bakalavr, magistr va doktorantura yo‘nalishidagi izlanuvchilari va mustaqil tadqiqotchilar uchun Vena diplomatiya akademiyasida malaka oshirish imkoniyatini yaratish muhokama qilindi.

1754 yilda tashkil etilgan Vena diplomatiya akademiyasi dunyodagi eng ko‘hna diplomatiya maktabi hisoblanadi. Talabalarni o‘qitish asosiy yo‘nalishlari – xalqaro munosabatlar, siyosatshunoslik, jahon iqtisodiyoti, tarix, shuningdek, xalqaro huquq va Yevropa ittifoqi huquqi. Akademiya bitiruvchilari hech qanday tanlovsiz Avstriya Yevropa va tashqi ishlar vazirligiga qabul qilinadi.