Moldovada harbiy mashg‘ulotlar o‘tkazilishi ma’lum qilindi

Moldovada "Olovli qalqon" harbiy mashg‘ulotlari boshlandi. Bu haqda mamlakat mudofaa vazirligi xabar berdi. 

Avvalroq ijtimoiy tarmoqlarda Moldova poytaxtida armiya texnikasi harakatlanayotgani aks etgan foto va videotasvirlar tarqalgandi. 

"Harbiy texnikalar harakatlangani to‘g‘risidagi xabarlar bo‘yicha quyidagilarni ma’lum qilamiz: 12 sentabrdan 23 sentabrga qadar Scutul de foc 2022 ("Olovli qalqon") harbiy mashg‘ulotlari o‘tkaziladi, texnika o‘quv markazlari tomon harakatlangan", - deyiladi vazirlik xabarida.

Qayd etilishicha, harbiy texnika nafaqat Kishinyov, balki boshqa aholi maskanlarida ham harakatlangan.

"Fuqarolarni milliy yo‘llarda harakatlanayotgan harbiy texnikani ko‘rganda vahimaga tushmaslikka chaqiramiz", - deyiladi vazirlik tomonidan.

Ma’lumot berilishicha, "Olovli qalqon" harbiy mashg‘ulotlari 2015 yildan buyon o‘tkazib kelinadi.