Qoʻshimcha funksionallar
-
Tungi ko‘rinish
Vazir o‘rinbosari Termizga hokim bo‘ldi
Qurilish vaziri o‘rinbosari O‘ktam To‘rayev Termiz shahar hokimi etib tayinlandi.
Foto: Surxondaryo viloyati hokimligi
Bugun, 2022 yil 21 sentabr kuni Xalq deputatlari Termiz shahar kengashining navbatdan tashqari sessiyasida tashkiliy masala ko‘rib chiqildi. Surxondaryo viloyati hokimligi axborot xizmati xabar berishicha, sessiyada Termiz shahar hokimi Isroil Xudoyberdiyev vazifasidan ozod qilingan.
Termiz shahar hokimi lavozimiga O‘ktam To‘rayev nomzodi ko‘rsatilib, deputatlar tomonidan tasdiqlangan.
O‘.To‘rayev 1979 yilning 25 oktyabrida Muzrabot tumanida tug‘ilgan. 2000 yilda Termiz davlat universiteti, 2002 yilda Toshkent avtomobil-yo‘llar instituti, 2011 yilda O‘zbekiston Respublikasi prezidenti huzuridagi Davlat boshqaruvi akademiyasini tamomlagan.
Keyinroq Muzrabot tumani hokimining birinchi o‘rinbosari lavozimida ishlagan. 2017–2019 yillarda Boysun tumaniga, 2019–2021 yillarda Sariosiyo tumaniga hokimlik qilgan.
To‘rayev 2021 yil mayida qurilish vaziri o‘rinbosari etib tayinlangandi.
Isroil Xudoyberdiyev 2017 yildan buyon Termiz shahriga hokimlik qilib kelayotgandi.
Mavzuga oid
17:08 / 04.12.2025
Erkinjon Turdimov Sirdaryo viloyati hokimi etib tasdiqlandi
15:55 / 02.12.2025
Ulug‘bek Mustafoyev Jizzax viloyati hokimi lavozimiga tasdiqlandi
12:48 / 27.11.2025
Mahmud Istamov adliya vazirining birinchi o‘rinbosari etib tayinlandi
16:33 / 25.11.2025