Qoʻshimcha funksionallar
-
Tungi ko‘rinish
Qrim ko‘prigidagi portlashda qurbon bo‘lganlar soni oshdi
Qrim ko‘prigida sodir bo‘lgan portlash qurbonlari soni to‘rt kishiga yetdi.
Foto: Moya Feodosiya / TASS
Bu haqda TASS Rossiya Favqulodda vaziyatlar xizmatining ismi oshkor etilmagan xodimiga tayanib, xabar berdi.
«Ma’lumotlarga ko‘ra, qurbonlar soni to‘rt kishiga yetgan. Ular orasida Moskva arbitraj sudi sudyasi Sergey Vladimirovich Maslov ham bor», dedi agentlik manbasi va halok bo‘lganlarning shaxsini aniqlash jarayoni hali ham davom etayotganini qo‘shimcha qildi.
Manbaga ko‘ra, halok bo‘lganlarning to‘rt nafari ham portlash episentridagi yengil avtomobilda bo‘lgan.
Avvalroq «Moskovskiy komsomolets» gazetasi ham Maslovning o‘limi haqida xabar bergan edi. Aniqlanishicha, sudya peterburglik tarixchi gid Eduard Chuchakin va uning rafiqasi Zoya Sofronova, shuningdek, yevpatoriyalik fitnes-trener Gleb Orgetkin bilan birga Cadillac Escalade avtomobilida bo‘lgan.
8 oktabr kuni ertalab Kerch bo‘g‘ozidagi Qrim ko‘prigida yuk mashinasi portlab ketdi, oqibatda ko‘prikning bir necha qismi qulab tushdi va temiryo‘l qismida turgan poyezd yonib ketdi. Tergov qo‘mitasi uch kishi halok bo‘lganini ma’lum qilgan edi.
10-11 oktyabr kunlari Rossiya Mudofaa vazirligi Ukraina shaharlariga raketa hujumlarini boshladi. Putin bu zarbalarni Qrim ko‘prigi portlashiga javob deb atadi.
Rossiya-Ukraina urushi
Mavzuga oid
16:55
“Jangda o‘layotgan hamyurtlarimiz juda ko‘p” - Ukrainadagi urushdan qochishga muvaffaq bo‘lgan yigit hikoyasi
16:47
Kaya Kallas: “Jazosizlik bo‘lmasligi kerak” - YeI tribunalga 10 mln o‘tkazdi
13:28
Sud “Moskva” kreyseriga qilingan hujumda 20 kishi halok bo‘lganini tan oldi
08:43