Geografik obektlarga nom berishda aholining fikri o‘rganiladi

Geografik obektlarga jahon tarixida chuqur iz qoldirgan shaxslar ismi-sharifini berishga yo‘l qo‘yildi. Bunda O‘zbekiston yoki jahon tarixida chuqur iz qoldirgan shaxslar ismi-sharifini berish ular vafotidan keyin prezident qaroriga asosan hamda, qoida tariqasida, nomlari mavjud bo‘lmagan aholi punktlari tarkibiy qismlariga nisbatan amalga oshiriladi.

Geografik obektlarga nom berish va ular nomlarini o‘zgartirish to‘g‘risida takliflar tayyorlash jarayonida mahalliy aholi fikri hisobga olinadi. Takliflar kelib tushganidan keyin muhokama qilish uchun ularni 5 ish kunida tegishli organlar o‘z rasmiy nashrlarida, rasmiy veb-saytlarida, ommaviy axborot vositalarida e’lon qiladi.

Shuningdek, takliflar muhokamasi ular e’lon qilingan sanadan e’tiboran 15 kundan kam bo‘lmasligi kerak.