Jamoat xavfsizligi ta’minlangani holati uch xil darajaga ajratiladi

2022-2025 yillarda O‘zbekistonda jamoat xavfsizligini ta’minlash tizimini rivojlantirish strategiyasini 2023 yilda amalga oshirish bo‘yicha “yo‘l xaritasi” e’lon qilindi.

Jamoat xavfsizligiga xavflar holati va darajalarini belgilovchi mezonlarni va asosiy ko‘rsatkichlarni (indikatorlarni) ishlab chiqish hamda joriy etish mo‘ljallanmoqda. 

Bunda:

• Jamiyat ehtiyojlarini aniqlashtirgan holda jamoat xavfsizligi kontekstida jamiyat manfaatlarini tizimlashtirish;
• jamiyat manfaatlarini asosiy mezon sifatida belgilagan holda, jamoat xavfsizligi ta’minlanganligi darajasini baholash indikatorlarini ishlab chiqish;
• jamoat xavfsizligining ta’minlangani holatini har biri uch bosqichdan iborat bo‘lgan “norma”, “inqiroz oldi”, “inqiroz” darajalariga ajratish va ular chegaraviy qiymatlarini belgilash;
• jamiyat manfaatlariga qarshi ma’muriy huquqbuzarlik va jinoyatlarni yagona bo‘limga birlashtirgan holda tizimlashtirish;
• jamoat xavfsizligini ta’minlanganligi darajasini o‘rganish natijalari bo‘yicha axborot-tahliliy hujjatlarni tayyorlash, vakolatli idoralarga kiritish, inobatga olingan hollarda rag‘batlantirish tartibi;
• jamoat xavfsizligi ta’minlangani darajasini tizimli ravishda monitoring qilish va baholab borish uchun Jamoat xavfsizligi bo‘yicha respublika ekspert-tahlil kengashini tuzish nazarda tutiladi.