Sud ekspertlari faoliyatini baholab borish yo‘lga qo‘yiladi

“Sud-ekspertlik faoliyatini tartibga soluvchi ayrim normativ-huquqiy hujjatlarni tasdiqlash to‘g‘risida”gi hukumat qarori qabul qilindi.

Sud ekspertlari faoliyatini reyting tizimida baholab borish to‘g‘risidagi namunaviy nizom tasdiqlandi. Mazkur nizom quyidagilarni belgilaydi:

sud ekspertlarini reyting tizimida baholash va baholash mezonlari;

reyting natijalari bo‘yicha sud ekspertlarini rag‘batlantirish, rag‘batlantirishni kamaytirish yoki bekor qilish yoki intizomiy jazo qo‘llash;

reyting ko‘rsatkichlari yuqori sud ekspertlari ishini ommalashtirish.

Qaror bilan Adliya vazirligi huzuridagi Sud ekspertlik faoliyatini rivojlantirishni qo‘llab-quvvatlash jamg‘armasi faoliyatiga oid nizom tasdiqlandi.

Davlat sud-ekspertiza muassasalariga ular budjetdan tashqari jamg‘armalaridan 50 foizgacha qismini xodimlarni ijtimoiy himoya qilish va moddiy rag‘batlantirish uchun sarflashga ruxsat beriladi.