Yevropa Ittifoqi va NATO hamkorlikni kengaytirish to‘g‘risida bayonot imzolaydi

NATO va Yevropa Ittifoqi, Rossiyaning Ukrainaga qarshi davom etayotgan qurolli tajovuzi sharoitida o‘zaro hamkorlikni mustahkamlashga qaror qildi. «Biz duch kelayotgan xavfsizlik tahdidlari va muammolari tobora kengayib borar ekan, hamkorligimizni yangi bosqichga ko‘tarmoqdamiz», deya 10 yanvarda Bryusselda NATO bosh kotibi Yyens Stoltenberg, Yevrokomissiya rahbari Ursula fon der Lyayyen va YeI kengashi rahbari Sharl Mishel tomonidan imzolanishi rejalashtirilgan qo‘shma bayonotdan iqtibos keltiradi AFP agentligi.

Ushbu hujjatga ko‘ra, NATO va Yevropa Ittifoqi Rossiya va Xitoy bilan «o‘sib borayotgan geostrategik raqobat»da, muhim infratuzilmani himoya qilishda o‘z harakatlarini yanada yaqinroq muvofiqlashtirish, shuningdek, kosmik tadqiqotlar, iqlimga qarshi kurashda yaqinroq hamkorlik qilish niyatida. Bundan tashqari, chet eldan «axborot va aralashuvlar manipulyatsiyasi»ga qarshi kurashish mo‘ljallanmoqda. Bayonotda Rossiya Ukraina bilan urushni zudlik bilan tugatishga chaqirilgan.

Rossiyaning Ukrainaga keng ko‘lamli bosqinidan so‘ng, Shvetsiya va Finlandiya Shimoliy Atlantika ittifoqiga qo‘shilish tartibini boshladilar. Har ikki davlat tegishli rasmiy arizani 18 may kuni topshirdi. NATOga a’zo 30 davlatning barchasi a’zolik haqidagi qarorni ratifikatsiya qilishi kerak. Shu kungacha ularning 28 tasi bu ishni amalga oshirdi. Turkiya va Vengriya hozircha ratifikatsiya qilishdan o‘zini tiyib turibdi.