Andijonda sodir bo‘lgan yong‘inda xonadon va Damas yonib ketdi

Andijon tumanida xonadon va Damas mashinasi yonib ketgan. Bu haqda Favqulodda vaziyatlar vazirligi xabar bermoqda.

Hodisa 2023 yil 13 yanvar kuni Andijon tumani “Dehqon” MFYda joylashgan xonadonlarning birida tongda sodir bo‘lgan.

Soat 6:18 da tuman FVBga yong‘in haqida xabar berilgan. Shunga ko‘ra 3 ta yong‘in-qutqaruv ekipaji voqea joyiga yetib borib, soat 06:55 da yong‘in o‘chirilgan.

Yong‘in oqibatida xonadonning 50 metr kvadrat maydonda shift, tom qismi va uy jihozlari hamda darvozaxonada turgan Damas mashinasi yonib ketgan.

Qayd etilishicha, hodisada hech kim tan jarohati olmagan.