YeTTB yillik yig‘ilishi joriy yil Samarqandda o‘tkaziladi

Imzolangan hujjat bankka a’zo 73 ta davlatdan 1 ming 500 dan ortiq mehmon ishtirok etadigan YeTTB yillik yig‘ilishi va biznes-forumga tayyorgarlik ko‘rish, tadbirlarni o‘tkazish va yoritish bo‘yicha har bir tomonning aniq tashkiliy vazifalarini belgilaydi. 

Tadbirning asosiy mavzusi iqtisodiyot barqarorligiga sarmoya kiritish bo‘ladi. Yig‘ilish davomida bankka a’zo mamlakatlar duch kelayotgan muammolarni bartaraf etish bo‘yicha chora-tadbirlarni ishlab chiqishga qaratilgan muhokamalar o‘tkazilishi rejalashtirilgan. Biznes-forumda makroiqtisodiy vaziyat, qayta tiklanuvchi energiya manbalarini rivojlantirishda xususiy sektor va davlatning roli, hududlararo munosabatlar, iqtisodiy integratsiya, oziq-ovqat xavfsizligi, raqamlashtirish va boshqa ko‘plab masalalar yuzasidan ekspertlar ishtirokida muhokama qilinadi.

YeTTB yig‘ilishini Samarqandda o‘tkazish uchun ariza O‘zbekiston tomonidan 2019 yilda taqdim etilgan. O‘sha YeTTB delegatsiyasi yillik yig‘ilishni mamlakatda o‘tkazish imkoniyatini ijobiy baholagan.