Qashqadaryoda temiryo‘lga ko‘chki tushdi. Poyezdlar harakati vaqtincha to‘xtatilgan

Bugun, 2023 yil 9 fevral kuni soat 06:10 da «Qarshi mintaqaviy temiryo‘l uzeli» unitar korxonasiga qarashli Chashma-Oqrabot stansiyalari oralig‘ining 103-km 5-6 piket qismida tuproq ko‘chkisi sodir bo‘ldi.

«O‘zbekiston temiryo‘llari» xabariga ko‘ra, tuproq ko‘chkisi sababli poyezdlar harakati vaqtincha to‘xtatilgan.

Hozirgi paytda ushbu holatni bartaraf etish maqsadida mutaxassislar ushbu hududga yetib kelgan va 3 dona ekskavator, 7 dona samosval, 2 dona buldozer, va boshqa texnikalar jalb etgan xolda tuproq ko‘chkilarini temiryo‘l izidan tozalash ishlari amalga oshirilmoqda.

Poyezdlar harakatini tiklash haqidagi ma’lumotlar to‘ldiriladi, deyiladi rasmiy xabarda.