Samarqandda shifokorlar o‘zaro janjallashib, bir-biriga tan jarohati yetkazdi
Holat yuzasidan jinoyat ishi qo‘zg‘atilgan, hozirda tergov harakatlari olib borilmoqda.
Ijtimoiy tarmoqlarda Payariq tumani Chelak shifoxonasi xodimlari o‘rtasidagi janjal aks etgan videomaterial tarqaldi.
Videoda bir necha tibbiyot xodimlarining qonga belangani va boshqalari ularga yordam ko‘rsatayotgani tasvirlangan.
Samarqand viloyat IIB axborot xizmatining ma’lum qilishicha, hodisa 2023 yil 2 fevral kuni sodir bo‘lgan. Chelak shifoxonasining rejali xirurgiya bo‘limida xodimlar o‘rtasidagi o‘zaro kelishmovchilik sabab janjal kelib chiqqan.
Janjalda hamkasblariga tan jarohati yetkazishda gumonlanayotgan A.N.ga nisbatan Payariq tumani IIB huzuridagi tergov bo‘limi tomonidan Jinoyat kodeksining 109-moddasi 2-qismi bilan jinoyat ishi qo‘zg‘atilib, hozirda tergov harakatlari olib borilmoqda.
Qayd etilishicha, mazkur holat yuzasidan viloyat sog‘liqni saqlash boshqarmasi ishchi guruhi tomonidan ham o‘rganish ishlari olib borilmoqda.
Mavzuga oid
23:24 / 05.10.2024
Samarqand viloyatida 3,3 magnitudali zilzila sodir bo‘ldi
17:35 / 03.10.2024
Sirdaryoda nogiron bolaning onasidan tibbiy xulosa uchun pul olgan shifokorga hukm o‘qildi
11:50 / 17.09.2024
«Chegara bilmas shifokorlar» Rossiyadagi faoliyatini to‘xtatganini e’lon qildi
12:19 / 10.09.2024