5 daqiqada foizsiz 50 mln kredit yoxud firibgarlarning navbatdagi nayrangi 

«5 daqiqa ichida 0 foiz bilan 50 million so‘mgacha kredit, 36 oy muddatga» ko‘rinishida xabarlar Telegram messenjeridagi kanallar va guruhlar orqali tarqatilayotgani aniqlandi. Bu haqida IIV Kiberxavfsizlik markazi xabar berdi.

Markaz fuqarolarni bunday mazmundagi xabarlarga ishonmaslikka, havolalarga o‘tib, o‘z ma’lumotlarini kiritmaslikka chaqirgan. 

Bu yo‘sindagi xabarlar firibgarlikning bir ko‘rinishi bo‘lib, fuqarolardan yuborilgan havolaga o‘tib, plastik karta ma’lumotlarini kiritishni talab qiladi. Agar ma’lumotlar kiritilsa, firibgarlar soniyalar ichida kartadagi mablag‘larni yechib oladi.