Shavkat Mirziyoyev Nursulton Nazarboyev bilan telefon orqali muloqot qildi

21 aprel kuni O‘zbekiston prezidenti Shavkat Mirziyoyev va Qozog‘iston birinchi prezidenti Nursulton Nazarboyev o‘rtasida telefon orqali muloqot bo‘lib o‘tdi.

Suhbat avvalida davlat rahbari va Qozog‘iston birinchi prezidenti bir-birini muborak Ramazon hayiti bilan tabriklab, qardosh xalqlarga farovonlik, tinchlik-osoyishtalik va ravnaq tiladi.

O‘zbekiston va Qozog‘iston o‘rtasidagi do‘stlik, yaxshi qo‘shnichilik, strategik sheriklik va ittifoqchilik munosabatlarida yuksak darajaga erishilgani qayd etildi.