Qoʻshimcha funksionallar
-
Tungi ko‘rinish
Samarqandga parvoz qilgan samolyotda yo‘lovchi sigareta chekkani aniqlandi
Samolyot manzilga qo‘nganidan keyin unga ma’muriy bayonnoma rasmiylashtirildi.
12 iyun kuni «Toshkent — Samarqand» yo‘nalishi bo‘yicha parvoz qilgan Silk Avia kompaniyasi samolyoti sahnida yo‘lovchi sigareta chekkani aniqlandi.
Qayd qilinishicha, 70 yoshli ayol samolyot hojatxonasida sigaret chekkan. Tamaki mahsuloti hidini sezgan bort kuzatuvchilari yo‘lovchiga samolyot bortida chekish qat’iyan taqiqlanganini tushuntirishga harakat qilishgan. Bunga javoban ayol o‘z noroziligini bildirgan.
Bort kuzatuvchilari vaziyat haqida samolyot komandiriga xabar bergan. Samolyot Samarqandga qo‘ngach, huquq-tartibot xodimlari tomonidan yo‘lovchiga nisbatan ma’muriy bayonnoma tuzilgan. Endi u bazaviy hisoblash miqdorining 2 baravari (660 ming so‘m) miqdorida jarimaga tortilishi mumkin.
O‘zbekiston qonunchiligiga ko‘ra, samolyot bortida chekish qat’iyan man etiladi. Bu Ma’muriy javobgarlik to‘g‘risidagi kodeksining 122-moddasi 2-qismi bilan tartibga solingan.
Mavzuga oid
23:04 / 13.06.2026
Samarqandda Rossiyada ishlashni rejalashtirayotgan fuqarolar uchun test markazi ochiladi
10:50 / 12.06.2026
Samarqandning olis tumanlariga investitsiyalar jalb etiladi
17:46 / 10.06.2026
Samarqand tumanlari qishloq xo‘jaligi, to‘qimachilik va qayta ishlash sanoatiga ixtisoslashgan hudud sifatida rivojlantiriladi
08:00 / 06.06.2026