Amerikaliklarning aksariyati Tramp prezidentlik poygasidan chiqishini talab qildi

Amerikaliklarning aksariyati AQSh sobiq prezidenti Donald Tramp maxfiy hujjatlar bo‘yicha unga qarshi ayblovlar qo‘yilayotgan bir paytda saylovoldi kampaniyasini to‘xtatishi kerak, deb hisoblaydi, deb yozadi The Hill. NPR-PBS so‘roviga ko‘ra, respondentlarning 56 foizi ushbu nuqtayi nazarga amal qiladi, faqat 43 foizi bunga qarshi. 

Tadqiqotga ko‘ra, Tramp kampaniyasining davom etishi tarafdorlari orasida asosan respublikachilar bor. Xususan, partiyada so‘ralganlarning 82 foizi ayblovlarga qaramay, sobiq AQSh prezidenti poygada ishtirok etishini yoqlagan. Bundan tashqari, respublikachilarning 75 foizdan ortig‘i, ayblovlarga qaramay, sobiq AQSh prezidentiga ijobiy munosabatda ekanini bildirgan – so‘ralganlarning deyarli 60 foizi uning partiyadan davlat rahbari lavozimiga ko‘rsatilgan nomzodini qo‘llab-quvvatlashga tayyor, atigi 32 foizi boshqa nomzodga ovoz bermoqchi. 

Shu bilan birga, Demokratik partiyadagi vaziyat aksincha tus olgan. U yerda maxfiy hujjatlar ishi bo‘yicha ayblovlar tufayli Trampning saylovoldi kampaniyasini to‘xtatish tarafdorlari ko‘p, buni hamkorlar va siyosiy kuchlar vakillarining 82 foizi qo‘llab-quvvatlamoqda. Bu fikrni mustaqil saylovchilarning 58 foizi ham yoqlayapti.