Surxondaryoda Lacetti daryoga tushib ketdi

Haydovchining sog‘ligi yomonlashib, vafot etgan va shundan keyin mashina yo‘ldan chiqib ketgan.

Foto: Surxondaryo viloyati IIB YHXB axborot xizmati

24 iyun kuni soat 12:30 atrofida Surxondaryo viloyatida Lacetti daryoga quladi. Viloyat IIB YHXB axborot xizmati xabar berishicha, Hisorak-Sariosiyo yo‘nalishida harakatlangan mashina boshqaruvni yo‘qotgan va To‘palang daryosiga tushib ketgan.

Haydovchi vafot etgan, yo‘lovchi yengil tan jarohati bilan shifoxonaga yotqizilgan.

29 yoshli haydovchining sog‘ligi mashina daryoga qulashidan oldin yomonlashgan va u jon bergan. Sud-tibbiy ekspertizasi xulosasiga ko‘ra, marhumda yurak ishemik kasalligi ehtimoli yuqori bo‘lgan.