O‘zbekiston va Turkiya TIV rahbarlari Bokuda muzokara o‘tkazdi

Vazirlar hamkorlik kun tartibining barcha yo‘nalishlarini yanada faollashtirish yuzasidan fikr almashdi.

Foto: Dunyo

O‘zbekiston tashqi ishlar vaziri Baxtiyor Saidov Turkiya tashqi ishlar vaziri Hakan Fidan bilan muzokaralar o‘tkazdi.

TIV ma’lumotiga ko‘ra, vazirlar har qachongidan ham keng bo‘lgan mamlakatlar o‘rtasidagi hamkorlik kun tartibining barcha yo‘nalishlarini yanada faollashtirish yuzasidan fikr almashdi.

O‘zbekiston va Turkiya Tashqi ishlar vazirliklari ikki tomonlama munosabatlarni yanada mustahkamlash yo‘lida izchil faoliyat yuritishi alohida ta’kidlandi.