Hindiston o‘zbekistonlik onkologlar uchun malaka oshirish kurslarini tashkil etadi

Onkologiya instituti direktori o‘zbekistonlik shifokorlar bilan ko‘p yillik yaqin hamkorlikni yanada rivojlantirish, hududlarda onkologiya yo‘nalishidagi masalalarga yechim topishga ko‘mak berish, shuningdek, mamlakatda tibbiyot sohasidagi islohotlarga hissa qo‘shish maqsadida ekanini bildirdi.

Tomonlar O‘zbekiston shifokorlari uchun Sarvodaya Healthcare shifoxonasining Onkologiya instituti negizida malaka oshirish kurslarini tashkil etish istiqbollarini muhokama qildi. Dastlabki bosqichda Namangan, Qashqadaryo va Xorazm viloyatlari onkolog mutaxassislarini bir oy muddatga Hindistonga taklif etish imkoniyatlari o‘rganildi.

Mazkur amaliyot muntazamlik asosida davom ettirilib, har oyda 8-10 nafar o‘zbekistonlik tibbiyot xodimlarini institutda hindistonlik hamkasblari bilan tajriba almashishi, sohadagi so‘nggi ilmiy yutuqlar bilan yaqindan tanishishi uchun sharoit yaratilishi yuzasidan kelishuvga erishildi.