Erdo‘g‘an Ozarboyjonga tashrif buyuradi

Turkiya prezidenti Rajab Toyyib Erdo‘g‘an bugun bir kunlik amaliy safar bilan Ozarboyjonning Naxchivan avtonom respublikasiga boradi. 

Bu haqda Turkiya prezidenti ma’muriyatining aloqa bo‘limi bayonotida aytiladi. 

Tashrif Ozarboyjon prezidenti Ilhom Aliyevning taklifiga binoan amalga oshiriladi. 

Bayonotga ko‘ra, liderlar ikki tomonlama Turkiya-Ozarboyjon munosabatlarini muhokama qiladi. 

Shuningdek, dolzarb mintaqaviy va xalqaro muammolar, birinchi navbatda Ozarboyjonning Qorabog‘ mintaqasidagi so‘nggi voqealar yuzasidan fikr almashiladi. 

Turkiya va Ozarboyjon prezidentlari Igdir-Naxchivan gaz quvuri qurilishiga start berish va modernizatsiya qilingan Naxchivan harbiy majmuasining ochilish marosimida ishtirok etishi kutilmoqda.