Qozog‘istonda Turkiya dronlari ishlab chiqarilishi mumkin 

Turkish Aerospace UAV ANKA kompaniyasi menejyeri Ero‘l O‘g‘uz so‘zlariga ko‘ra, hozir investitsiyalar hajmi masalasi ishlab chiqilmoqda. Uning ta’kidlashicha, ularning maqsadi nafaqat Qozog‘istonda uchuvchisiz uchish apparatlari ishlab chiqarishni yo‘lga qo‘yish, balki bilimlarni qozog‘istonlik mutaxassislarga o‘rgatishdir.

«Biz nafaqat ishlab chiqarishni yo‘lga qo‘yish, balki kelajakda Qozog‘iston mustaqil ravishda uchuvchisiz uchish apparatlarini ishlab chiqarishi uchun tajriba va texnologiyani o‘rgatishni maqsad qilganmiz», deb tushuntirdi Ero‘l O‘g‘uz. 

Turkiyaning ANKA uchuvchisiz uchoqlarini Qozog‘istonda ishlab chiqarishni tashkil etish bo‘yicha munozaralar bir necha yillardan beri davom etmoqda. 

2022 yil may oyida Anqarada «NK «Kazaxstan Injiniring» va «Turkish Aerospace» o‘rtasida harbiy-texnik hamkorlik to‘g‘risidagi memorandum imzolangan edi. Ushbu hujjatga ko‘ra, Qozog‘istonda «Kazaxstan Injiniring» shu’ba korxonasi negizida ANKA dronlarini yig‘ish va texnik xizmat ko‘rsatish liniyasi tashkil etiladi.