Samarqand va Qarshiga “Afrosiyob” poyezdlarining qo‘shimcha qatnovlari yo‘lga qo‘yiladi

“Samarqand — Toshkent — Samarqand” va “Toshkent — Qarshi — Toshkent” yo‘nalishida harakatlanuvchi “Afrosiyob” poyezdlarining qo‘shimcha qatnovlari yo‘lga qo‘yiladi. Bu haqda Transport vazirligi matbuot xizmati xabar bermoqda.

Ta’kidlanishicha, yo‘lovchilarga qulaylik yaratish maqsadida 2023 yilning 29, 30, 31 dekabr kunlari 775/776-sonli “Samarqand — Toshkent — Samarqand” yo‘nalishida hamda 25, 26, 27, 28 dekabr kunlari 762/761-sonli “Toshkent — Qarshi — Toshkent” yo‘nalishida “Afrosiyob” elektropoyezdining qo‘shimcha harakati yo‘lga qo‘yiladi.

Poyezdlar quyidagi jadval asosida harakatlanadi:

775-sonli “Samarqand — Toshkent” yo‘nalishi

Samarqand 11:05 — Toshkent 13:20

776-sonli “Toshkent — Samarqand” yo‘nalishi

Toshkent 13:51 — Samarqand 16:05

762-sonli “Toshkent — Qarshi” yo‘nalishi

Toshkent 6:59 — Qarshi 10:33

761-sonli “Qarshi — Toshkent” yo‘nalishi

Qarshi 16:44 — Toshkent 20:20

Chiptalarni temiryo‘l chiptaxonlaridan va elektron tarzda eticket.railway.uz sayti orqali sotib olish mumkin.