Xorazmda yoyma savdo rastalarida yong‘in chiqdi

Xorazm viloyati Urganch shahrida joylashgan savdo rastlaridan birida yong‘in chiqdi. Bu haqda viloyat FVB matbuot xizmati xabar berdi.

Ma’lum qilinishicha, 20 dekabr kuni soat 16:45 da Urganch shahar «Navbahor» MFY Jizzax ko‘chasida joylashgan piyodalar yo‘lakchasida qurilgan yengil konstruksiyali yoyma savdo rastalarining taxminan 50 kvdrat metr maydoni yongan. Yong‘in oqibatida halok bo‘lganlar yo‘q.

Mazkur yong‘in Urganch shahar Favqulodda vaziyatlar bo‘limi Yong‘in-qutqaruv qismi tomonidan soat 17:05 da to‘liq bartaraf qilingan.

Yong‘in sababi va zarari aniqlanmoqda.