Qoʻshimcha funksionallar
-
Tungi ko‘rinish
O‘zbekiston va Eron mahkumlarni topshirishda hamkorlik qiladi
Senat Eron bilan mahkumlarni topshirish to‘g‘risidagi shartnomani ratifikatsiya qilish haqidagi qonunni ma’qulladi. Shartnoma 2023 yil 18 iyun kuni Shavkat Mirziyoyevning Eronga rasmiy tashrifi davomida imzolangan edi.
Senat yalpi majlisida “O‘zbekiston Respublikasi bilan Eron Islom Respublikasi o‘rtasida mahkumlarni topshirish to‘g‘risidagi Shartnomani (Tehron, 2023 yil 18 iyun) ratifikatsiya qilish haqida”gi qonun ko‘rib chiqildi.
Ta’kidlanishicha, shartnomaning ratifikatsiya qilinishi jinoyat sodir etish natijasida ozodlikdan mahrum etilgan O‘zbekiston va Eron fuqarolariga sud tomonidan tayinlangan jazoni o‘z mamlakatida o‘tashlari uchun huquqiy asos va mahkumlarni topshirish sohasida ikki tomonlama hamkorlikni amalga oshirish imkoniyatini yaratadi.
Shartnoma 2023 yil 18 iyun kuni prezidentining Eronga rasmiy tashrifi davomida imzolangan edi.
Hujjatga ko‘ra, mazkur shartnomani ratifikatsiya qilish orqali uning kuchga kirishi mahkumlarni topshirish sohasidagi normativ-huquqiy bazani shakllantirib, ikki davlat vakolatli organlarining ushbu sohadagi o‘zaro hamkorlik samaradorligini oshiradi.
Qonun senatorlar tomonidan ma’qullandi.
Oldinroq Italiya bilan mahkumlarni topshirish to‘g‘risidagi shartnoma ratifikatsiya qilingandi.
Mavzuga oid
22:29 / 14.06.2026
Tramp Netanyahuni aqlsizlikda aybladi va Eron bilan kelishuv 2–3 soat ichida imzolanishini aytdi
00:49 / 14.06.2026
Tramp Eron bilan kelishuv 14 iyun kuni imzolanishini ma’lum qildi
19:45 / 13.06.2026
Senat aholini shovqinning zararli ta’siridan himoya qilish to‘g‘risidagi qonunni ma’qulladi
15:29 / 13.06.2026