Kutishga vaqt yo‘q: Borrel Kiyevga yordamni tezlashtirishga chaqirdi

Yevropa Ittifoqining tashqi ishlar va xavfsizlik siyosati bo‘yicha oliy vakili Jozep Borrel Myunxen xavfsizlik konferensiyasi ishtirokchilarini Ukrainaga qurol yetkazib berishni tezlashtirishga chaqirdi, chunki kutishga vaqt qolmadi. 18 fevral, yakshanba kuni bo‘lib o‘tgan anjumandagi davra suhbatida u «biz urush holatidamiz» dedi va mojaro bir necha oy ichida jang maydonida hal etilishi mumkinligini aytdi.

«Har bir yevropalik biz urush holatida ekanligimizni tushunishi kerak», dedi Yevropa diplomatiyasi rahbari. Uning so‘zlariga ko‘ra, Rossiya yaqinda o‘tgan bahordan beri eng yirik g‘alabalaridan birini qo‘lga kiritgan Ukrainadagi vaziyat «bizdan tezroq va yaxshiroq hamkorlik qilishni», «ko‘proq chaqqonroq va to‘g‘ridan to‘g‘ri» bo‘lishni talab qilmoqda. 

Jozep Borrelning ta’kidlashicha, Yevropa Ittifoqi Kiyevga yangi turdagi qurollarni yetkazib berishda «juda ko‘p» ikkilanib, mojaro kuchayishidan qo‘rqdi, agar u qat’iyroq harakat qilganida edi, jang maydonidagi vaziyat boshqacha rivojlanishi mumkin edi. 

«Uch oy ichida hammasi harbiy jabhada hal bo‘ladi. Biz «Kelinglar, kutamiz va Yevropa saylovlarida nima bo‘lishini ko‘ramiz» yoki «batafsilroq ma’lumot olishni xohlaymiz» deb ayta olmaymiz... Biz boshqa siyosiy o‘lchamdamiz», - deydi Yevropa Ittifoqining tashqi ishlar bo‘yicha oliy vakil.