O‘zbekiston va Pokiston strategik sheriklikni rivojlantirmoqchi

O‘zbekiston tashqi ishlar vazirining birinchi o‘rinbosari Bahrom A’loyev Pokiston elchisi Ahmad Faruk bilan uchrashdi.

«Dunyo» xabariga ko‘ra, muloqot davomida O‘zbekiston–Pokiston strategik sherikligini yanada rivojlantirish, ko‘p qirrali hamkorlikni, birinchi navbatda, savdo-iqtisodiy, investitsiyaviy va transport-kommunikatsiya sohalarida rivojlantirish istiqbollari ko‘rib chiqildi.

Ikki tomonlama va ko‘p tomonlama shakldagi bo‘lajak tadbirlar jadvali va tashkiliy jihatlari muhokama qilindi.