Toshkentda Lacetti yonib ketdi

Toshkent shahar Chilonzor tumanida Lacetti transport vositasi yonib ketdi. Bu haqda Yo‘l harakati xavfsizligi boshqarmasi xabar berdi.

Ma’lum qilinishicha, hodisa 12 mart kuni soat 16:15 larda Chilonzor tumani Zargarlik ko‘chasida sodir bo‘lgan. 2001 yilda tug‘ilgan A.T.ga tegishli Lacetti’ning dvigatel qismida qisqa tutashuv sodir bo‘lgani oqibatida yong‘in kelib chiqqan. 

Yong‘in o‘t o‘chiruvchilar tomonidan bartaraf etilgan. Hodisa natijasida tan jarohati olganlar yo‘q.

Mazkur holat yuzasidan YHXB hamda FVB xodimlari tomonidan surishtiruv olib borilib, yong‘in yuzaga kelishining sabablari va zarar miqdoriga aniqlik kiritilmoqda.