Toshkentda Avliyoota ko‘chasining bir qismi 10 kunga yopilyapti

Toshkentda Avliyoota ko‘chasining bir qismi 10 kunga yopiladi. Bu haqda poytaxt hokimligi xabar berdi.

Foto: Google maps

Mirobod tumani iste’molchilarining elektr ta’minotini yaxshilash maqsadida, “Yuksak” va “Qo‘qon” podstansiyasi oralig‘idagi 110 kVli kabel tarmog‘ini yangilash ishlari olib borilmoqda.

Shu munosabat bilan, Mirobod tumanidagi Avliyoota ko‘chasi hamda ushbu ko‘chaning Nukus va Kichik halqa avtomobil yo‘li ko‘chalari bilan kesishmalari 22 apreldan 10 kun muddatga yopiladi.

Haydovchilarga shu vaqt oralig‘ida aylanma yo‘llardan foydalanish tavsiya qilingan.