Тошкентда Авлиёота кўчасининг бир қисми 10 кунга ёпиляпти

Тошкентда Авлиёота кўчасининг бир қисми 10 кунга ёпилади. Бу ҳақда пойтахт ҳокимлиги хабар берди.

Фото: Google maps

Миробод тумани истеъмолчиларининг электр таъминотини яхшилаш мақсадида, “Юксак” ва “Қўқон” подстанцияси оралиғидаги 110 кВли кабел тармоғини янгилаш ишлари олиб борилмоқда.

Шу муносабат билан, Миробод туманидаги Авлиёота кўчаси ҳамда ушбу кўчанинг Нукус ва Кичик ҳалқа автомобиль йўли кўчалари билан кесишмалари 22 апрелдан 10 кун муддатга ёпилади.

Ҳайдовчиларга шу вақт оралиғида айланма йўллардан фойдаланиш тавсия қилинган.