Kiprning O‘zbekistondagi yangi elchisi tayinlandi 

O‘zbekiston tashqi ishlar vaziri Baxtiyor Saidov bugun Kiprning mamlakatdagi elchisi etib tayinlangan Kipros Yorgallicni qabul qildi.

"Kiprning O‘zbekistondagi favqulodda va muxtor elchisi etib tayinlangan Kipros Yorgallic janoblari bilan uchrashib, ishonch yorliqlarini qabul qildik", – deb yozdi O‘zbekiston TIV rahbari o‘zining Telegram-kanalida. 

O‘zbekiston va Kipr tashqi ishlar vazirliklari o‘rtasidagi muntazam muloqot tobora mustahkamlanib borayotgan munosabatlarga, ayniqsa, iqtisodiy yo‘nalishdagi aloqalarga yangi sur’at bag‘ishlashi ma’lum qilindi.