O‘zbekiston elchisi Britaniya qiroliga ishonch yorliqlarini topshirdi
O‘zbekistonning yangi elchisi Ravshan Usmonov kecha Londonda Britaniya va Shimoliy Irlandiya Birlashgan Qirolligi qiroli Charlz III ga ishonch yorliqlarini topshirdi.
«Dunyo» xabariga ko‘ra, rasmiy marosimdan keyingi suhbatda qirol Charlz III O‘zbekiston prezidenti Shavkat Mirziyoyevga chuqur hurmat va iliq tilaklarini bildirdi.
Britaniya va O‘zbekiston o‘rtasidagi o‘zaro hamkorlikning bugungi dinamikasi yuqori baholandi. Ko‘plab yo‘nalishlarda hamkorlikni yanada chuqurlashtirish uchun mavjud salohiyatdan samarali foydalanish zarurligi ta’kidlandi.
Suhbat yakunida Britaniya qiroli O‘zbekiston elchisiga ikki tomonlama munosabatlarni yanada yaxshilash borasidagi faoliyatida muvaffaqiyatlar tiladi.
O‘zbekistonning yangi elchisi Ravshan Usmonov 2023 yilning 14 noyabr kuni Londonga kelgan edi. Bungacha u mamlakatning Malayziyadagi elchisi lavozimida ishlagan.
Mavzuga oid
16:19 / 20.08.2024
Britaniya kompaniyasi O‘zbekiston transport tizimini rivojlantirish bo‘yicha takliflar bildirdi
19:11 / 13.08.2024
Qirol Charlz III banknotalari nominal qiymatidan 11 barobar qimmatga sotilmoqda
19:29 / 30.07.2024
Britaniya qiroli Charlz III ning kechki ovqati Yelisey saroyining eng katta xarajati bo‘ldi
23:12 / 17.07.2024