Hodisada hech kim jarohatlanmagan va o‘lim holatlari yuz bermagan.
Foto: IIB YHXB axborot xizmati
Termiz shahrida uchta mashina ishtirokida yo‘l-transport hodisasi sodir bo‘lgan. Bu haqda viloyat IIB YHXB axborot xizmati xabar bermoqda.
Ma’lum qilinishicha, Termiz shahrining At-Termiziy va A.Navoiy ko‘chalari kesishgan chorrahada Matiz, Nexia-3 hamda Cobalt mashinalari ishtirokida YTH sodir bo‘lgan.
YTHda hech kim jarohatlanmagan va o‘lim holatlari yuz bermagan. Faqat Nexia-3da yong‘in sodir bo‘lgan va mashina yonib ketgan.
Qayd etilishicha, hozirda hodisa yuzasidan qo‘shimcha tergov ishlari olib borilmoqda.
