Germaniyaning O‘zbekistondagi yangi elchisi tayinlandi
Manfred Huterer Tashqi ishlar vazirligida ishonch yorliqlarini topshirdi va yangi lavozimda ish boshlaydi.
Manfred Huterer Germaniyaning O‘zbekistondagi yangi elchisi etib tayinlandi. Bu haqda tashqi ishlar vaziri Baxtiyor Saidov xabar berdi.
«Germaniyaning O‘zbekistondagi favqulodda va muxtor elchisi etib tayinlangan Manfred Huterer janoblari bilan uchrashib, uning ishonch yorliqlari nusxalarini qabul qildik. Biz tobora kengayib borayotgan ikkitomonlama hamkorlik kun tartibi, hududlar o‘rtasidagi to‘g‘ridan-to‘g‘ri sheriklikni mustahkamlash, ko‘proq iqtisodiy ko‘priklarni barpo etish va boshqa masalalarga to‘xtaldik. O‘zbekiston Tashqi ishlar vazirligi janob elchi va elchixona jamoasining aloqalarimizdagi ulkan salohiyatni ro‘yobga chiqarish yo‘lidagi sa’y-harakatlarini qo‘llab-quvvatlashga tayyor», deyiladi xabarda.
Manfred Huterer 2019—2023 yillarda Germaniyaning Belarusdagi elchisi bo‘lgan.
2024 yil iyun oyi oxirida Germaniyaning O‘zbekistondagi elchisi Tilo Klinner o‘z missiyasini yakunlagan edi.
Mavzuga oid
11:40 / 19.09.2024
Germaniya Ukraina harbiylarining davolanishi uchun yana 50 mln yevro ajratadi
12:40 / 18.09.2024
Germaniya Ukrainaga qishki yordam uchun 100 mln yevro ajratadi
12:00 / 18.09.2024
Fridrix Mers Germaniya muxolifatidan kansler lavozimiga nomzod bo‘ladi
19:34 / 17.09.2024