O‘zA sun’iy intellekt yordamida yaratilgan muxbir ish boshlaganini e’lon qildi

O‘zA axborot agentligida sun’iy intellekt yordamida yaratilgan robot-muxbir ish boshladi. Unga Sobira Xoldorova nomi berildi.

Qayd qilinishicha, u O‘zbekiston yangiliklarini o‘zbek, ingliz, rus, fransuz, arab, xitoy, nemis, ispan va qozoq tillarida o‘qib beradi.

Ta’kidlanishicha, soxta videolardan himoyalanish maqsadida har bir videoga maxsus QR-kod qo‘yiladi. U orqali video haqiqiyligini aniqlash mumkin.

Ma’lumot berilishicha, Sobira Xoldorova — tarixiy shaxs, Markaziy Osiyo va O‘zbekistondagi birinchi professional ayol jurnalist. U sovet davrida qatag‘on qilingan. Uning nomini sun’iy intellektga qo‘yish orqali yorqin xotirasini tiklash maqsad qilingani ta’kidlanmoqda.