Bayram kunlari Toshkentda avtobuslar ish jadvali ma’lum qilindi

31 avgust va 1-2-3 sentabr kunlari avtobuslar harakati yakshanba kunlari uchun tasdiqlangan jadvallar asosida tashkil etiladi.

Foto: Toshshahartransxizmat

«Toshshahartransxizmat» AJ bayram kunlari avtobus saroylari tasarrufidagi avtobus yo‘nalishlarining faoliyati qanday bo‘lishi haqida ma’lumot berdi.

Qayd qilinishicha, 31 avgust va 1-2-3 sentabr kunlari avtobuslar harakati yakshanba kunlari uchun tasdiqlangan jadvallar asosida tashkil etiladi.

Avvalroq, «Toshkent metropoliteni» 31 avgust va 1 sentabr kunlari metro poyezdlari harakati ish kuni uchun belgilangan jadval asosida, 2-3 sentabr kunlari esa dam olish kunlari uchun mo‘ljallangan jadval asosida harakatlanishi haqida xabar bergan edi.

O‘zbekistonda Mustaqillik bayrami munosabati bilan 31 avgust hamda 1-3 sentabr dam olish kunlari etib belgilangan.