Zelenskiy Ukraina yuqori rahbariyatida o‘zgarishlarni amalga oshirdi
Ukraina yuqori rahbariyatida navbatdagi kadr almashinuvi amalga oshirildi. Ukraina prezidentining ikki maslahatchisi va Ukraina prezidenti idorasi rahbarining ikki o‘rinbosari tayinlandi.
Ukraina prezidenti Volodimir Zelenskiy o‘ziga ikki maslahatchi tayinladi. 8 sentabr, yakshanba kuni imzolangan farmonlarga ko‘ra, Dmitriy Litvin aloqa masalalari bo‘yicha maslahatchi, Aleksandr Kamishin esa strategik masalalar bo‘yicha maslahatchi bo‘ldi.
Aleksandr Kamishin avval strategik sanoat vaziri bo‘lgan.
Ukraina prezidenti idorasi rahbari ikki o‘rinbosari tayinlandi
Bundan tashqari, Ukraina prezidenti devoni rahbarining ikki o‘rinbosari tayinlandi, ular avval Karpatorti viloyat davlat ma’muriyatini boshqargan Viktor Mikita, shuningdek, vaqtincha egallab olingan hududlarni reintegratsiya qilish bo‘yicha sobiq vazir Irina Vereshchuk bo‘ldi.
Telegram'da o‘zining tayinlanishini sharhlar ekan, Mikita yangi lavozimdagi asosiy vazifasi harbiy ma’muriyatlarning samarali faoliyatini ta’minlash, shuningdek, "Karpatortida mahalliy hokimiyat organlari, jamoatlar, tadbirkorlar va boshqa institutlar o‘rtasidagi aloqa va ishonchni mustahkamlashdan iborat" bo‘lishini ta’kidladi.
O‘tgan haftada Ukraina yuqori rahbariyatida bir qancha o‘zgarishlar yuz berdi. Xususan, Strategik sanoat vazirligi rahbari lavozimida Aleksandr Kamishin o‘rniga «Ukroboronprom»ning sobiq rahbari German Smetanin tayinlandi. Irina Vereshchuk Reintegratsiya vaziri lavozimidan, Dmitriy Kuleba Tashqi ishlar vazirligi rahbari lavozimidan ozod etildi.
Mavzuga oid
20:06 / 18.09.2024
Dronlar Tver oblastiga hujum qildi. U yerda raketa arsenali joylashgan
12:40 / 18.09.2024
Germaniya Ukrainaga qishki yordam uchun 100 mln yevro ajratadi
12:20 / 18.09.2024
2,5 yillik urushda Ukraina va Rossiyaning 1 mln harbiysi halok bo‘ldi va yaralandi
10:40 / 18.09.2024