Toshkent aeroportida yo‘lovchi ayol vafoti haqidagi xabar rad etildi

Ijtimoiy tarmoqlarda bugun Toshkent aeroportida xorijdan uchib kelgan 37 yoshli ayol bojxona tekshiruvi paytida navbat kutayotib vafot etgani haqida xabarlar tarqaldi.

Bosh prokuratura matbuot kotibi Hayot Shamsutdinov holat yuzasidan ma’lumot berdi. Unga ko‘ra ayol vafot etmagan, sog‘ligi yomonlashgan va shifoxonaga yotqizilgan.

“Aeroportda bir ayol vafot etgani haqidagi xabarlar mutlaqo haqiqatga to‘g‘ri kelmaydi. Bugun, 8 oktyabr kuni Dubay-Toshkent aviareysida uchib kelgan, 1986 yilda tug‘ilgan ayolning sog‘ligi yomonlashgan. Hozirda ayol shifoxonaga yotqizilib, unga zarur tibbiy yordam ko‘rsatilmoqda”, deyiladi Bosh prokuratura matbuot kotibi ma’lumotida.