Samarqanddagi YTHda piyoda halok bo‘ldi
“Damas” harakatlanib borayotganda piyoda birdan uning yo‘liga yugurib chiqqani aytilmoqda.
Samarqand viloyati Narpay tumanida sodir bo‘lgan yo‘l-transport hodisasi oqibatida piyoda halok bo‘lgan. Bu haqda viloyat IIB YHXB axborot xizmati xabar bermoqda.
Ma’lum qilinishicha, hodisa 2024 yil 5 oktyabr kuni tunda yuz bergan. “Damas” mashinasi Narpay tumanida yo‘lda harakatlanib ketayotganda yo‘lning belgilanmagan joyidan yugurib chiqqan ayolni urib yuborgan.
Oqibatda, og‘ir tan jarohatlari olgan ayol shifoxonada vafot etgan.
“Men Samarqand yo‘nalishida ketayotgandim. Yo‘l chetida 4-5 kishi janjallashib turgan ekan. Yoniga borganimda ularning o‘rtasidan bir ayol yugurib chiqdi va mashinamga o‘zini otib yubordi. Mashinamni yo‘l chetida to‘xtatdim. Ayolni ko‘tarib mashinamga ortishdi, shifoxonaga olib bordim. Yarim soatdan so‘ng ayolning joni uzildi”, deydi haydovchi yigit.
Qayd etilishicha, mas’ul rahbarlar va keng jamoatchilik ishtirokida mazkur YTH muhokama qilingan va odamlar hushyorlikka chorlangan.
Mavzuga oid
08:50 / 08.10.2024
Piyodalar yo‘lagida navbatdagi qurbon: Olmaliqda “peshexod”dan o‘tayotgan piyoda mashina urib ketishi oqibatida halok bo‘ldi
07:20 / 08.10.2024
Toshkentda 5 ta avtomobil ishtirokida YTH sodir bo‘ldi
18:46 / 07.10.2024
Qoraqalpog‘istonda 27 nafar bolani tashiyotgan Damas aniqlandi
14:09 / 07.10.2024