"O‘zbekiston – 2030" strategiyasi xitoy tilida nashr etildi

Mamlakatning Pekindagi elchixonasi tashabbusi bilan "Taraqqiyot strategiyasi" markazi bilan birgalikda "O‘zbekiston – 2030" strategiyasi ilk bor xitoy tilida risola shaklida nashr etildi.

Foto: Dunyo

Tarjima Xitoy Markaziy Millatlar universiteti dotsenti Dilsora Mirzaahmedova tomonidan amalga oshirildi.

Mazkur qo‘llanma Xitoyning siyosiy, ilmiy-tahliliy, ishbilarmon doiralari va keng jamoatchiligini "O‘zbekiston – 2030" strategiyasi doirasida yurtimizda turli sohalarda amalga oshirilayotgan keng ko‘lamdagi islohotlar jarayoni va ularning mazmun-mohiyati bilan tanishtirishga mo‘ljallangan.

Shuningdek, xitoy tilidagi "O‘zbekiston – 2030" strategiyasi elchixona tomonidan o‘tkazilayotgan davra suhbatlari, uchrashuvlar, brifinglar, va taqdimotlarda keng tarqatiladi.

Tayyorlagan: Отабек Матназаров

#strategiya #xitoy tili