Telegram mini-ilovalar uchun yangi funksiyalarni joriy qiladi

Telegram bir oy ichida mini-ilovalar uchun o‘nta yangi funksiyaga ega bo‘ladi, bu esa dasturchilarga yangi turdagi ilovalar va o‘yinlarni yaratish imkonini beradi, deb xabar berdi messenjer asoschisi Pavel Durov.

Xususan, quyidagilar joriy qilinadi:

- mini-ilovalar uchun to‘liq ekran rejimi;

- ish stoliga mini-ilova piktogrammalarini qo‘shish imkoniyati;

- mini-ilovalar ichida pullik obunalar uchun turli xil variantlar;

Mini-ilovalar giroskop va akselerometr yordamida telefonning geolokatsiyasi va ekranning aylanish darajasidan foydalanadi.

Avvalroq, 31 oktyabr kuni Durov Telegram uchun bir qator yangi funksiyalar paydo bo‘lganini ma’lum qilgandi. Xususan, endi foydalanuvchilar allaqachon yuborilgan xabarlarga fotosuratlar va videolarni qo‘shishi, shuningdek tahrirlashda media faylni boshqasiga almashtirishi mumkin.