Sport vaziriga yangi o‘rinbosar tayinlandi

Sport vazirining maslahatchisi bo‘lgan Avazjon Karimov yangi lavozimga tayinlandi.

Prezidentning tegishli qaroriga muvofiq Karimov Avazjon Qudratillayevich Sport vaziri o‘rinbosari lavozimiga tayinlandi.

Tayinlovga qadar u Sport vazirining maslahatchisi lavozimida faoliyat yuritgan.

Avazjon Karimov 1983 yilda Toshkent shahrida tug‘ilgan. 2005 yilda Toshkent davlat iqtisodiyot universitetini, 2016 yilda O‘zbekiston davlat jismoniy tarbiya institutini, 2021 yilda O‘zbekiston davlat jismoniy tarbiya va sport universitetini tamomlagan.

Mehnat faoliyatini 2006 yilda Karate milliy federatsiyasi raisi o‘rinbosarligidan boshlagan. 2019-2020 yillarda Respublika olimpiya zaxiralari kolleji direktori, 2020-2021 yillarda jismoniy tarbiya va sport vaziri o‘rinbosari, 2021-2022 yillarda turizm va sport vaziri o‘rinbosari, 2022-2023 yillarda sportni rivojlantirish vaziri maslahatchisi, 2023-2024 yillarda yoshlar siyosati va sport vaziri maslahatchisi bo‘lgan.

Tayyorlagan: Сардор Юсупов

#tayinlov #Sport vazirligi #Avazjon Karimov