Yoqutistonda havo harorati 51 darajagacha sovishi kutilmoqda

Sinoptiklar Yoqutistonda aholisi va mehmonlarini havo harorati Tselsiy bo‘yicha -51 darajagacha tushib ketishidan ogohlantirdi. Bundan tashqari, mintaqada kuchli shamol xavfi ham e’lon qilingan.

«2025 yilning 1 yanvaridan 4 yanvarga qadar Yakutsk hamda uning atrofida anomal sovuq kuzatiladi, bunda havo harorati normadan 7 va undan pastroq darajaga tushib ketadi», — deyiladi xabarda.

Prognozlarga ko‘ra, 2 yanvar kuni Yakutskda havo harorati Tselsiy bo‘yicha -51 darajani tashkil etishi mumkin.

Shu bilan birga, o‘tgan 2024 yilda Moskvada o‘rtacha havo harorati yuqori bo‘ldi — 8,2 daraja. Ushbu ko‘rsatkich Rossiya poytaxti kuzatuvlari tarixidagi barcha rekordlarni yangilagan. Bundan oldingi rekord 2020 yilda o‘rnatilgan, o‘shanda o‘rtacha harorat 8 darajani tashkil etgandi. Yanvar va may oyidan tashqari butun yil davomida anomal iliq havo kuzatilgan.

Avvalroq sinoptiklar bu yil yanvar oyining birinchi yarmida O‘zbekiston hududi bo‘yicha anomal sovuq yoki anomal iliq sharoit kutilmayotgani to‘g‘risida xabar bergandi.