Qozog‘istonda Ramazon oyining boshlanish sanasi e’lon qilindi

Qozog‘iston musulmonlari diniy boshqarmasi Ramazon oyi 1 martdan boshlanishini ma’lum qildi.

Qayd etilishicha, Ramazon oyining birinchi kuni 1 mart sanasiga to‘g‘ri keladi. Ramazon hayiti 30 martga, qadr kechasi (Laylatul-Qadr) esa 26-27 mart sanasiga to‘g‘ri keladi.

Bundan tashqari, Qurbon hayiti sanalari ham belgilangan — uch kun davom etadigan Qurbon hayitining birinchi kuni 6 iyunga to‘g‘ri keladi.

Eslatib o‘tamiz, o‘tgan yili Ramazon oyi 11 martdan boshlangan edi. O‘zbekiston musulmonlari idorasi 2024 yil Ramazon hayiti (Iydul fitr) 10 aprel (shavvol oyining 1 kuni) kuniga to‘g‘ri kelayotgani munosabati bilan hayit namozi vaqtlarini belgilagandi.