Қўшимча функционаллар
-
Тунги кўриниш
Қозоғистонда Рамазон ойининг бошланиш санаси эълон қилинди
Қозоғистон мусулмонлари диний бошқармаси Рамазон ойи 1 мартдан бошланиши, Рамазон ҳайити эса 30 март санасига тўғри келишини маълум қилди.
Фото: muftyat.kz
Қозоғистон мусулмонлари диний бошқармаси Рамазон ойи 1 мартдан бошланишини маълум қилди.
Қайд этилишича, Рамазон ойининг биринчи куни 1 март санасига тўғри келади. Рамазон ҳайити 30 мартга, қадр кечаси (Лайлатул-Қадр) эса 26-27 март санасига тўғри келади.
Бундан ташқари, Қурбон ҳайити саналари ҳам белгиланган — уч кун давом этадиган Қурбон ҳайитининг биринчи куни 6 июнга тўғри келади.
Эслатиб ўтамиз, ўтган йили Рамазон ойи 11 мартдан бошланган эди. Ўзбекистон мусулмонлари идораси 2024 йил Рамазон ҳайити (Ийдул фитр) 10 апрел (шаввол ойининг 1 куни) кунига тўғри келаётгани муносабати билан ҳайит намози вақтларини белгилаганди.
