KQTT Ukrainadan namunalarda taqiqlangan CS gazi izlarini topdi

Kimyoviy qurollarni taqiqlash tashkiloti (KQTT) 2-xlorbenzilidenmalononitril (CS nomi bilan tanilgan) 2024 yil oktyabr oyida Ukrainaning Dnipropetrovsk oblastidagi qarama-qarshilik chizig‘i bo‘ylab sodir bo‘lgan uchta hodisada qurol sifatida qo‘llanganini e’lon qildi. 14 fevral, juma kuni KQTT Kiyevga hodisalar tafsilotlarini aniqlash uchun ekspertlarning ikkinchi texnik tashrifi haqidagi hisobotni topshirdi.

Tashkilot ma’lumotlariga ko‘ra, ular 2 oktyabr kuni Marevka qishlog‘i yaqinida, 12 oktyabr va 14 oktyabr kunlari esa Ilinka qishlog‘i yaqinida sodir bo‘lgan.

Ikki missiya davomida KQTT Texnik kotibiyati ekspertlari hujjatlar va raqamli fayllarni, bevosita guvohlarning ko‘rsatmalarini to‘pladi, Ukraina tomonidan to‘plangan to‘qqizta namunani oldi. Mutaxassislar guruhiga to‘rtta granata snaryadlari, uchta tuproq namunasi va ikkita o‘simlik namunasi kuzatuv punkti va qarama-qarshilik chizig‘i bo‘ylab dam olish joyidan topshirildi.

Jangovar harakatlar zonasida «Nastarin» gazidan foydalanish taqiqlangan

Namunalar KQTT tomonidan tanlangan ikkita laboratoriyaga yuborildi. Jangovar zaharlovchi CS moddasi granatalar, tuproq namunalari va o‘simliklarda aniqlangan.

Rossiya va Ukraina bir-birini kimyoviy qurol ishlatishda ayblab, bir qancha ayblovlar bilan Tashkilotga murojaat qilgan.

CS gazi («Nastarin» gazi) o‘limga olib kelmaydi, lekin o‘pka, ko‘z va terini bezovta qiladi. Jang zonalarida undan foydalanish taqiqlanadi.

Topilmalar bilan bog‘liq holda, KQTT yana bir bor «Kimyoviy qurollar bo‘yicha konvensiya tamoyillarini saqlash va ta’minlash» zarurligiga e’tibor qaratdi.