Yangiyo‘lda ko‘prikning bir qismi o‘pirildi

8 mart kuni Toshkent viloyati, Yangiyo‘l tumani hududidan o‘tgan D022 «Nurafshon — Oqqo‘rg‘on — Yangiyo‘l» avtomobil yo‘lining 58 kilometrida joylashgan ko‘prikning bir qismi o‘pirilib tushdi. Bu haqda Toshkent viloyati IIBB xabar berdi.

Qayd qilinishicha, hodisada hech kim jabrlanmagan.

Ko‘prik tegishli tashkilotlar va Yo‘l harakati xavfsizligi xizmati xodimlari tomonidan nazoratga olingan bo‘lib, harakat ishtirokchilarining xavfsiz harakatlanish choralari ko‘rilgan.

Ko‘prikning qachon ta’mirlanishi haqida xabar berilmadi.