O‘zbekiston tumaniga yangi hokim tayinlandi

Tumanga 2021 yil fevralidan buyon rahbarlik qilib kelgan Sherzod Yo‘ldoshev lavozimidan ozod etilgan. Uning o‘rnini Ravshanbek Begmatov egalladi.

Foto: Farg‘ona viloyati hokimligi

Bugun, 11 mart kuni Xalq deputatlari O‘zbekiston tuman Kengashining navbatdan tashqari sessiyasi bo‘lib o‘tdi.

Sessiya ishida viloyat hokimi Xayrullo Bozorov ishtirok etdi.

Sessiyada lavozimidan ozod etilgan Sherzod Yo‘ldoshev o‘rniga yangi tuman hokimini tayinlash bilan bog‘liq tashkiliy masala ko‘rildi.

Viloyat hokimi Xayrullo Bozorov tomonidan taqdim etilgan Begmatov Ravshanbek Berdaliyevich nomzodi O‘zbekiston tumani deputatlari tomonidan yakdillik bilan qo‘llab-quvvatlandi.

Ravshanbek Begmatov hozirga qadar Suv xo‘jaligi vazirligi irrigatsiya tizimlaridan va yirik gidrotexnika inshootlaridan foydalanish boshqarmasi boshlig‘i lavozimida ishlab kelgan. U endi 2021 yil fevralidan buyon tumanga rahbarlik qilgan Sherzod Yo‘ldoshev o‘rnini egalladi.

Tayyorlagan: Азиз Қаршиев

#tayinlov #O‘zbekiston tumani #Ravshanbek Begmatov