Hafta oxirida ayrim joylarda yomg‘ir yog‘ishi kutilmoqda

Dam olish kunlari joylarda yomg‘ir yog‘ishi kutilmoqda, deya xabar berdi «O‘zgidromet» agentligi.

Juma kuni davomida respublika hududining katta qismida quruq ob-havo saqlanib turadi. Kechga tomon va 5 aprelda ayrim joylarda qisqa muddatli yomg‘ir yog‘ishi, momaqaldiroq bo‘lishi mumkin.

Qoraqalpog‘iston Respublikasi, Xorazm viloyatida bugun kunduzi ayrim joylarda qisqa muddatli yomg‘ir yog‘ishi mumkin, 5 aprel kuni yog‘ingarchilik kutilmaydi.

6 aprelda respublika bo‘yicha ba’zi joylarda yomg‘ir yog‘adi, momaqaldiroq kuzatilishi mumkin.

4–6 aprel kunlari harorat foni ancha yuqori bo‘ishi saqlanib turadi. Kunduz kunlari havo +23...+28 darajagacha, ba’zi joylarda 30 darajagacha isiydi.

Shamol 7–12 metr/soniya tezlikda esadi, respublika bo‘yicha ba’zi joylarda 15–20 metr/soniyagacha kuchayishi mumkin.

Toshkent shahrida bugun kunduzi yog‘ingarilik kutilmaydi, 4 aprelda kechga tomon, 5 aprelda kechasi va ertalab vaqti-vaqti bilan yomg‘ir yog‘adi. 5 aprelda kunduzi biroz qisqa muddatli yomg‘ir yog‘ishi, momaqaldiroq bo‘lishi mumkin.

6 aprelning ikkinchi yarmida yomg‘ir yog‘adi, momaqaldiroq bo‘lishi mumkin.

Shamol 5–10 metr/soniya tezlikda esadi, 4 aprelda kechga tomon 12–15 metr/soniyagacha kuchayadi.

Harorat 4 aprel kuni kunduzi +28...+30 daraja, 5–6 aprel kunlari +23...+26 daraja, kechalari +12...+15 daraja bo‘ladi.