Sirdaryo viloyati soliq boshqarmasiga yangi rahbar tayinlandi

Tavboyev Suhrob To‘rabek o‘g‘li Soliq qo‘mitasining Sirdaryo viloyati soliq boshqarmasi boshlig‘i lavozimiga tayinlandi.

U 1990 yilda Sirdaryo viloyatining Mirzaobod tumanida tug‘ilgan. Tayinlovga qadar Sirdaryo viloyati soliq boshqarmasi boshlig‘ining o‘rinbosari lavozimida ishlagan.

Sirdaryo viloyati soliq boshqarmasi boshlig‘i lavozimida 2023 yil avgustidan buyon Ulug‘bek Xatamov ishlab kelayotgandi. Uning keyingi faoliyati haqida ma’lumot yo‘q.