Turkiyadan kelgan fuqarodan 320 mln so‘mlik qadimiy kitoblar topildi

Toshkentga Turkiyadan kelgan fuqarodan 320 mln so‘mlik arab tilidagi qadimiy kitoblar topildi.

Foto: Bojxona qo‘mitasi

“Toshkent-Aero” xabariga ko‘ra, Toshkent xalqaro aeroportida Istanbuldan uchib kelgan fuqaroning yuklari orasidan bojxona nazoratiga o‘z vaqtida taqdim etilmagan, muqovasi jigarrang teridan tayyorlangan, arab yozuvlari bitilgan 1 dona katta hajmli hamda 1 dona qizil muqovali kichik hajmdagi qadimiy kitoblar borligi aniqlandi.

Dastlabki ekspertiza xulosalariga ko‘ra, kitoblarning bugungi kundagi taxminiy qiymati 320 mln so‘mni tashkil etmoqda.

Mazkur holat bo‘yicha tergov harakatlari olib borilmoqda.